Një 25-vjeçare në Indonezi pretendon se ka ngelur shtatzënë nga një erë që kishte fryrë dhe jo nga marrëdhëniet seksuale. Policia ka nisur hetimet lidhur me këtë ngjarje aspak të zakontë.
Pretendimi ishte edhe më i çuditshëm kur ajo tha se gjithçka ndodhi brenda një ore, shkruan India.com.
Gruaja, e quajtur Siti Zainah deklaroi se po qëndronte në dhomën e ndenjës kur një fllad ere fryu nëpër shtëpi. Vetëm 15 minuta më pas ajo ka nisur të ndjejë dhimbje në stomak.
Barku i saj ka nisur të rritet me shpejtësi, teksa më pas është dërguar me urgjencë në spital, ku edhe ka lindur.
“Pas lutjeve të pasdites, isha shtrirë me fytyrë poshtë në dysheme kur papritmas ndjeva erën qëmë hyri në trup”, tha ajo për një media lokale.
Policia indoneziane po kryen hetime dhe mori parasysh të gjitha mundësitë, përfshirë martesën e saj të mëparshme me ish-burrin që ishte ndarë disa muaj më parë.
