Një bos droge meksikan që njihet gjerësisht si pasardhësi i El Chapo-s, ka frikësuar deri në palcë meksikanët. Bëhet fjalë për El Mencho-n i cili thuhet se ka urdhëruar vrasjen e femrave shtatzënë dhe fëmijëve.
Agjenti i DEA-s, Kyle Mori, duke folur për kartelin që drejtohet nga El Mencho në një intervistë për “Univision”, tha: “Janë shumë të dhunshëm. Presin koka, shkrijnë trupa në acid, bëjnë ekzekutime në publik, vrasin femra dhe fëmijë. Çdo ditë bëjnë diçka. Edhe El Chapo ishte i dhunshëm, por El Mencho është më shumë se ai”.
El Mencho është në vendin e parë të listës së personave më të kërkuar në SHBA. Muajin e kaluar 44 persona u gjetën të vdekur në një pus në Jalisco. Shumica ishin femra. Mëngjesin e të hënës El Mencho me bandën e tij kanë ekzekutuar 14 policë.
