Presidenti i Ukrainës ka paralajmëruar se do i shpallë “luftë në shkallë të gjerë” Rusinë.
Petro Poroshenko tha se incidenti midis anijeve ukrainase dhe ruse pranë Gadishullit të Krimesë ishte një “ngjarje e jashtëzakonshme”.
Kjo sipas tij e parë në kontekstin e “agresionit” të kohëve të fundit të Moskës.
Presidenti ka sjellë në fuqi ligjin ushtarak dhe i ka vënë në gatishmëri forcat e armatosura të Ukrainës, raporton dailystar.co.uk.
Ai akuzoi trupat ruse se sulmuan tre anije të Ukrainës, pasi ata po kalonin përmes ngushticës Kerç në Detin e Azov.
Ai tha se aktivitetet ushtarake ruse dhe vendosjet e tankeve “janë rritur në mënyrë dramatike” përgjatë kufijve të Ukrainës.
Paralajmërimi ndaj Putin
Forcat e armatosura kanë filluar përgatitjet “në rast të një pushtimi në shkallë të gjerë tokësore”.
“Dhe kjo është arsyeja pse unë nuk dua që askush të mendojë se është një gjë e vogël,” tha Poroshenko në një intervistë me mediat ukrainase.
“Vendi është nën kërcënimin e një lufte të plotë nga Federata Ruse”, vijoi më tej ai.
Në një paralajmërim të rreptë ndaj Vladimir Putinit, Poroshenko tha se Rusia do të “paguajë një çmim të madh” nëse sulmon Ukrainën.
“Ne do të luftojmë për lirinë tonë, do të luftojmë për demokracinë tonë, ne do të luftojmë për tokën tonë”, tha Petro Poroshenko për NBC News.
Presidenti tha për CNN-së se sekretari amerikan i shtetit Mike Pompeo i kishte premtuar: “ndihmë të plotë, përfshirë ndihmën ushtarake” Ukrainës në rast lufte./Përshtati: Tirana Today/
