Britania e Madhe do të dërgojë më shumë trupa dhe një anije të Marinës Mbretërore në Ukrainë, raporton ‘The Telegraph’.
Kjo lëvizje vjen për të “mbrojtur demokracinë” kundër “kërcënimit rus”, tha sekretari i mbrojtjes Gavin Williamson.
Aktualisht janë të vendosur 100 trupa britanike në Ukrainë, por kjo forcë pritet të forcohet për të kundërshtuar “agresionin rus”.
“Forcat speciale të Ukrainës do të trajnohen nga homologët e tyre britanikë dhe HMS Echo, një anije survejimi hidrografike”.
Sekretari i Mbrojtjes, Gavin Williamson, tha:
“Për sa kohë Ukraina përballet me armiqësitë ruse, do të gjejë mbështetje tek një partner i palëkundur sikundër është Mbretëria e Bashkuar. Duke punuar së bashku, qoftë përmes programeve të trajnimit apo stërvitjeve ushtarake, ne e ndihmojmë Ukrainën që të qëndrojë lart me vlerat tona të përbashkëta. Unë kam dëshmuar në vijën e frontit efektet e luftës në lindje dhe kjo ka përforcuar plotësisht mbështetjen time për sovranitetin, pavarësinë dhe integritetin territorial të Ukrainës “.
Numri i trupave shtesë ende nuk është vendosur dhe është subjekt i kërkesave të Ukrainës. Por ka të ngjarë të jetë rreth 30 ushtarë nga ushtria dhe marina mbretërore.
Kolonel Marcus Evans, komandanti i operacionit ORBITAL, asistenca e Mbretërisë së Bashkuar për Ukrainën, tha:
“Që nga viti 2015, Mbretëria e Bashkuar ka ndihmuar në ndërtimin e kapaciteteve të Forcave të Armatosura të Ukrainës (UAF). Por, ndërsa kërcënimet ndaj Ukrainës evoluojnë, mbështetja jonë duhet të përshtatet dhe të ndryshojë. Duke vendosur grupe të ndryshme trajnuese në të gjithë Ukrainën në 2018, plani për vitin 2019 do të përfshijë mbështetje të re për Marinën e Ukrainës”./TIRANA TODAY/
