Presidenti francez, Emmanuel Macron, ka deklaruar se ai do të rishikojë legjislacionin për mediat franceze, që të jenë më të kujdesshme ndaj shpërndarjeve të lajmeve “Fake News” apo e thënë ndryshe si lajmet e rreme në mediat sociale.
Presidenti i Francës, ka nënvizuar se këto lloj lajmesh po cenojnë demokracinë liberale,ndaj duhet një forcim ligjor për t’u mbrojtur nga ky fenomen-transmeton Reuters.
Që nga koha e zgjedhjes së tij në krye të Francës, ka lëshuar kritika të forta ndaj mediave ruse në veçanti, duke kritikuar hapur stacionin televiziv RT, për publikimin e lajmeve të rreme në sajte dhe në rrjetet sociale përgjatë zgjedhjeve presidenciale të mbajtura në Farancë.
“Nëse dëshirojmë të mbrojmë demokracitë liberale, na duhet të fuqizojmë legjislacionin”-është shprehur Macron për mediat. Macron shtoi më tej se ky legjislacion mund të krojojë shqetësim për rrjetet sociale, në kohën kur zhvillohen zgjedhjet presidenciale dhe zgjidhet i pari i shtetit.
