Bum kërkesash për vaksinim në Francë pas fjalimit nga Presidenti Emmanuel Macron, i cili mbrëmjen e kaluar në transmetim të drejtpërdrejt në rrjetet e unifikuara dha dritën jeshile për të hyrë në restorante, kafene dhe mjete transporti. Më herët këtë mëngjes, kreu i faqes së prenotimeve në internet Doctolib, Stanislas Niox-Chateau, tha “926,000 francezë caktuan një datë për të marrë vaksinën mbrëmë”.
“Kemi pasur 20,000 prenotime në minutë, një rekord, që nga fillimi i fushatës (së vaksinimit),” tha ai.
Personeli shëndetësor që nuk është vaksinuar plotësisht deri më 15 shtator nuk do të jetë më në gjendje të punojë dhe nuk do të paguhet më: kjo është ajo që u raportua sot nga Ministri Francez i Shëndetësisë, Olivier Véran, pas njoftimit nga Presidenti Emmanuel Macron për të shmangur një valë të katërt të lidhur me variantin Delta të koronavirusit. “Duke filluar nga 15 shtatori, nëse jeni një mjek ose infermier dhe nuk jeni të vaksinuar, nuk do të jeni më në gjendje të punoni dhe nuk do të paguheni,” tha Véran për LCI.
Sa për zgjatjen e kërkesës për leje shëndetësore në bare, restorante, trena, avionë, “nuk është shantazh” por një masë e nevojshme për të shmangur “mbylljen e vendit”, tha ai për BFM-TV. Leja e shëndetit, e cila shërben për të provuar vaksinimin e plotë kundër Covid-19, shërimin e plotë ose realizimin e një testi negativ, do të bëhet e detyrueshme në fund të korrikut për të hyrë në eventet kulturore me mbi 50 personave, si dhe në kinematë e Francës.
