Presidenti i Francës Emmauel Macron duket se është shpërblyer me një tjetër fitore nga votuesit francezë. “Exit poll” raportojnë se partia e Macron fitoi në zgjedhjet parlamentare.
Dy “exit poll” e nxjerrin partinë e 39-vjeçarit La Republique en Marche si fitues të 355 deri në 425 vende në Asamblenë Kombëtare, nga 577 gjithsej.
Kjo parti u formua rreth dy vjet më parë, dhe gjysma e kandidatëve të saj janë pak ose pa përvojë politike.
Në zgjedhjet e sotme, votuesit vendosën për kandidatët që dolën në balotazh në raundin e parë ku partia e Macron fitoi 32.3% te votave. Republikanët e qendrës së djathtë morën 21.5%, ndërsa Fronti Kombëtar i ekstremit të djathte (FN) 13.2%.
