Qeveria e Francës i bëri thirrje Rusisë për të liruar marinarët dhe tre anijet ukrainase që u ndaluan pranë Krimesë gjatë fundjavës.
“Asgjë nuk mund justifikojë përdorimin e forcës nga Rusia,” tha ministria e jashtme franceze në një deklaratë.
“Ne i bëjmë thirrje Rusisë që të lirojë marinarët ukrainas dhe të dorëzojë anijet detare të konfiskuara sa më shpejt të jetë e mundur”, deklaroi ministrja, shkruan Reuters.
Kujtojmë se incidenti pranë ujërave të Gadishullit të Krimesë shënon një përshkallëzim madhor të situatës mes dy vendeve. Secili prej tyre fajëson tjetrin për kapjen e anijeve dhe plagosjen e disa pjesëtarëve të ekuipazhit.
Incidenti ndodhi kur dy anije luftarake ukrainase dhe një rimorkiator po lundronin për në Detin e Azovit, në të cilin Rusia është vendosur fuqishëm që nga aneksimi i Krimesë në vitin 2014. Një traktat i viti 2003 e përcakton Detin Azov dhe ngushticën që çon në të, si ujëra të përbashkëta territoriale.
Më herët gjatë këtij viti, administrata e Presidentit Donald Trump i kërkoi Rusisë që t’i japë fund pengimit të anijeve ndërkombëtare në Detin Azov dhe ngushticën Kerç, që synon dobësimin e ekonomisë së Ukrainës. Tirana Today
