Për shkak të frikës nga kanceri, Franca ka ndaluar implantet e gjirit. Agjencia Kombëtare e Francës për Produktet e Shëndetit (ANSM), tha se modelet macro-texture dhe polyurethane do të jenë të ndaluara duke nisur nga sot. Kjo iniciativë është ndërmarrë për të parandaluar kancerin. Vlen të theksohet se implantet e ndaluara të gjirit përbëjnë më pak se 30 për qind të tregut të përgjithshëm në Francë.
Agjencia tha se kjo ishte një masë parandaluese, dhe nuk u rekomandon grave që i kanë këto implante t’i heqin. Këto implante dyshohen se shkaktojnë limfomën qelizore (ALCL), një lloj i rrallë kanceri të sistemit imunitar.
Në Francë vlerësohet se rreth 500 000 femra kanë kryer implant gjiri, dhe vetëm 59 prej tyre janë prekur nga ALCL, 3 prej të cilave kanë humbur jetën.
