Franca ringrihet menjëherë pas humbjes ndaj Suedisë në eliminatore dhe arrin të mposhtë 3 me 2 Anglinë në miqësoren e luksit.
Sfida e luajtur në Stade De France, më së shumti është dominuar nga të zotet e shtëpisë, pavarësisht se ishin ishulloret, të cilët kaluan të parët në avantazh me anë të Kane në minutën e 9 që shfrytëzoi pasimin e Bertrand.
7 minuta më vonë Dembele i shkon shumë barazimit, një rezultat që gjithsesi do të arrihet në minutën e 22 kur për “gjelat” shënoi Umtiti.
Franca luajti më mirë, por Mbape dhe Dembele u ndalën nga portieri Heaton përpara se gardiani i Anglisë të dorëzohej në fund të pjesës së parë përballe Sidibes.
Pjesa e dytë nis sërish në shenjën e Anglisë, e cila fiton një 11-metersh me anë të Delle Alli, moment kur Varane ndëshkohet me të kuq. Nga pika e bardhe barazon Kane. Edhe pse me 10 lojtarë, Franca mbetet me e rrezikshme sidomos falë talentit të Monaco, Mbape i cili fillimisht godet traversën dhe me pas në të 78 shërben për Dembele, që realizon golin e fitores për të zotët e shtëpisë.
