Dyqanet pariziane me ajër të kondicionuar do të duhet të mbyllin dyert e hyrjes nga e hëna, ose do të përballen me një gjobë, për të reduktuar konsumin e energjisë, sipas një ndalimi të marrë të premten 22 korrik, nga bashkia e kryeqytetit.
Ky urdhër, i cili parashikon një gjobë me një shumë maksimale prej 150 euro, për objektet tregtare ose shërbimi që i lënë dyert hapur. Kryetarja e Bashkisë së Parisit, Anne Hidalgo, thekson se “Kjo masë ishte propozuar nga konventa e qytetarëve për klimën, dhe mund të ishte zbatuar shumë më herët me një dekret qeverie”.
Ulni konsumin e energjisë
Dekreti parashtron si motivim “pasojat e ngrohjes globale në Paris dhe nevojën urgjente për të reduktuar konsumin e energjisë në periudhën aktuale”.
“Është vërejtur se shumë dyqane në Paris i mbajnë përgjithmonë dyert e tyre të hapura”, thekson Qyteti i Parisit në dekretin e tij, i cili nuk ka të bëjë me “Restorante apo pijetore me një tarracë të autorizuar rregullisht në natyrë”.
Parisi nuk është qyteti i parë që dëshiron të detyrojë bizneset me ajër të kondicionuar të mbyllin dyert e tyre. Më 15 korrik, bashkia socialiste e Bourg-en-Bresse kishte nxjerrë një ndalesë të të njëjtit lloj, e paraqitur si e para në Francë.
Kryetari i bashkisë Europe Ecologie-Les Verts i Lionit, Grégory Doucet, e imitoi atë të mërkurën duke nënshkruar një ndalesë që ndalonte bizneset me ajër të kondicionuar të linin dyert e tyre të hapura gjatë gjithë kohës, e ndjekur nga Besancon dy ditë më vonë.
Burimi i lajmit: newsinfrance. Përshtatur nga Tirana Today
