Kanë përfunduar edhe ndeshjet e fundit të raundit të nëntë, në fazën e grupeve të eleminaroreve të Botërorit 2018. Në natën e tretë kanë fituar ekipet e mëdha, ku disa kanë siguruar biletën e disa mbajnë gjallë shpresën e kualifikimit për në ndeshën e fundit. Ndeshjen më të vuajtur e kanë përjetuar francezët, të cilët fitojnë minimalisht 1-0 përballë Bullgarisë e cila ka luajtur një futboll mjaft të ashpër dhe kanë kërkuar me ngulm ta ndalin Francën ë këtë sfidë. Por ka qenë vendimtarë ai gol i Matuidit në minutat e para të ndeshjes.
Zvicra nga ana tjetër merr një fitore të thellë dhe vazhdon të mbajë vendin e parë e ndjekur nga Portugalia. Helvetët mposhtin 5-2 Hungarinë e cila luante pa ndonjë objektiv pasi shpresat për të arritur vendin e dytë ishin shuar. Kanë shkëlqyer edhe dy shqiptarët që luajnë për përfaqësuesen zvicerane, ku Xhaka shënon golin e parë dhe Shaqiri asiston dy herë. Ndërsa Portugalia vuan shumë në pjesën e parë dhe e mbyll në barazim pa gola. Me aktivizimin e Ronaldo në pjesën e dytë gjithçka bëhet më e lehtë, pasi ai shënon golin e parë që zhbllokon ndeshjen. Është protagonist kryesorë edhe në aksionin e dytë ku shënon sulmuesi i Milanit, Andre Silva. Me rezultatin 2-0 portugezët fitojnë ndeshjen e luajtur në Andora dhe lenë të hapur llogaritë për vendin e parë, ku gjithçka do të vendoset në ndeshjen e fundit përballë Zvicrës.
Hollanda e Robben vuan shumë në Bjellorusi, pas një pjese të parë jo aq të mirë por që mbyllet në avantazh për djemtë e Advocaat. E dyta filon mirë për vendasit që gjejnë edhe golin e barazimit shumë shpejt. Ky gol rrit presionin tek hollandezët që duhet ta fitonin ndeshjen me cdo kusht, pasi në të kundërt do të humbnin shpresat e kualifikimit. 6 minuta para përfundimit të ndeshjes është Robben që kthen avantazhin nga pika e bardhë e penalltisë, ndërsa në minutat e fundit është sulmuesi Manchester United, Depay që çon rezultatin në 1-3 dhe siguron fitoren. Tani Hollanda ka sfidën e së vërtetës nga e cila do të kërkojë vetëm fitoren, atë përballë Suedisë që do të jetë vendimtare se kush do të udhëtojë për në Rusi vitin tjetër.
Greqia nga ana tjetër merr një fitore mjaft të vyer përballë Qipros dhe merr vendin e dytë pas Belgjikës. Tashmë edhe grekët duhet të fitojnë me detyrim ndeshjen e fundit që të presin biletën për në finalet e Botërorit dhe të dërgojnë në shtëpi boshnjakët.
