Në të gjithë vendin, policia po ndërmerr operacione të bujshme. Në pranga janë vënë persona të shpallur në kërkim por jo vetëm. Me anë të një reagimi zyrtar, policia bëri të ditur se janë goditur 4 grupe kriminale.
E ndër vendi po vlon nga këto lëvizje të bujshme, ish-ministri Saimir Tahiri ka preferuar të qëndrojë larg zhurmës së Tiranës. Me anë të një postimi në rrjetin social “Facebook”, ish-ministri ka treguar se ndodhet në Tropojë. Ky i fundit akuzohet si i përfshirë në dosjen e “Habilajve”. Këta të fundit akuzohen për një sërë veprash kriminele në fushën e narkotikëve.
Ndërsa në një aksion të gjerë të shtrirë në disa qytete të vendit, Policia e Shtetit arrestoi të dielën dy ish-deputetë të PS-së. Si dhe vuri në pranga disa prej anëtarëve të të ashtuquajturve “të fortët” e Shijakut. Një operacion i gjerë u ndërmor edhe për arrestimin e Kelmend Balilit, i konsideruar si “Eskobari i Ballkanit”, ndonëse kapja e tij nuk u bë e mundur.
