Sipas mediave greke i ‘rrezikshmi’, Alket Rizai dhe dy shqiptare të tjerë kanë dalë sot në orën 09.00 të mëngjesit, me orën greke nga burgu i Domokosm nënë masa të rrepta sigurie dhe janë dërguar në Gjykatën e Lamias aty ku dhe është mbajtur seanca e radhës ndaj tyre.
Ata gjykohen pasi në qelinë e tyre në burg janë gjetur disa thika.
Alket Rizai ka kërkuar nga trupi gjykues të shohë foto të thikave të sekuestruara prej policisë.
Ai ka bërë pyetje me ton të ashpër ndaj prokurorit.
“Ju jeni këtu për t’iu përgjigjur dhe nuk pyesin …”, ishte përgjigja nga kryetari i Gjykatës, i cili e ndërpreu gjykimin menjëherë pas tensionit të krijuar.
Alket Rizai dhe një tjetër shqiptar u dënuan me 26 muaj burg, ndërsa i treti me 3 vjet burg.
Kur u njoh me dënimin, Rizai ofendoi rëndë kreun e trupit gjykues: “Ik q… ore…”, i tha në fund të seancës.
