Pas shkarkimit nga detyra, duket se ish-kreu i Policisë së Shtetit ka më shumë kohë të lirë për të takuar ish-zyrtarë të policisë, madje edhe ata të shkarkuar nga Saimir Tahiri.
Tashmë i paangazhuar në radhët e policisë, Çako është fotografuar teksa konsumonte sot një kafe me Erzen Breçanin. Ky i fundit është një nga drejtuesit e policisë të kohës së Partisë Demokratike dhe i shkarkuar nga detyra sapo në krye të Ministrisë së Brendshme erdhi Saimir Tahiri.
Breçani ka mbajtur më parë postin e Zëvendësdrejtorit të Rendit dhe Sigurisë së Dibrës, por edhe zv/drejtor i Tiranës dhe “punët” në Policinë e Shtetit besohet se ka qenë një nga temat që Çako e Breçani kanë biseduar sot në një nga lokalet e Tiranës.
Haki Çako u zëvendësua nga Ardi Veliu, i cili u zyrtarizua dje me propozim të ministrit Xhafaj, që bindi kryeministrin Rama për të ndryshuar drejtimin e Policisë.
Më poshtë fotot e siguruara nga Panorama:
