Kryeministri Rama tashmë e ka bërë të udhës që ti kundërpërgjigjet ndjekësve të tij. Postimet në rrjetet sociale janë të shumta, e ndërsa ai sot ka gjetur paksa kohë, të shkëputet nga familja e tij, për ti kthyer përgjigje qytetarëve.
Ka mjaftuar postimi i një videoje në Facebook, që menjëherë të shpërthenin komentet. Rama nuk lë pas ironinë, por edhe thumbimet, të cilat janë karakteristike për të.
Një qytetar e ngacmon për vendet e punës. Rama ia kthen me të njëjtën monedhë, duke i bërë të ditur se janë hapur vende pune, por ato janë për ata të cilët kanë vullnet, dhe jo për ata që duan të lozin me telefon në Facebook. Një tjetër i referohet taksave. Për këtë Rama ka një përgjigje, duke ia prerë shkurt se nuk ka asnjë taksë të re, ndonëse përflitet për faturën e dritave.
