Tashmë duket se po shpeshtohen edhe më shumë rastet kur ylli i presidentit Trump të bie pre e akteve vandale, që kanë si qëllim shprehjen e inatit ndaj presidentit. Mediat e huaja raportojnë se ylli i presidentit, vendosur në Bulevardin e Famës në Hollywood, është shkatëruar.
Dëshmitarët okularë kanë thënë se kanë parë një djalë, që me ndihmën e një çekiçi po thyente një pllakë. Autoritetet vendase aktualisht janë duke bërë përpjekjet e tyre, për të gjetur dhe kapur personin që ka bërë veprimin në fjalë.
Donald Trump që prej vitit 2007 ka të vendosur në Bulevardin e Famës në Hollywood, një yll me emrin e tij. Monumenti në fjalë i është kushtuar Trump, pas suksesit të reality show- t televiziv, “The Appretince”, ku Donald Trump, në atë kohë një biznesmen miliarder testonte pjesëmarrësit nëpërmjet sfidave, për t’u bërë pjesë si punonjës në kompanitë e tij.
