Moderatorja Nevina Shtylla e kaloi me mjaft sukses “testin” me “Maratona e Këngës” verën e vitit të kaluar, dhe menjëherë pas saj iu besua “Jo vetëm modë”, programi i së shtunës pasdite, i cili në atë kohë kishte mbetur pa moderatore, pas largimit të Floriana Garos.
Sikundër qarkullojnë zërat nga mediat rozë, mësohet se “Jo vetëm modë” nuk do të transmetohet më. Këto dyshime lindën pasi imazhi i Nevinës nuk është parë në spotin e prezantimit të sezonit të ri në “Tv Klan”.
Ndërsa vetë moderatorja, e pyetur nga revista “Class”, tha se në sezonin e ri do të ketë ndryshime, por për momentin, ajo nuk mund të zbulojë asgjë konkrete. Na mbetet veçse të presim, se ndoshta Nevina mund të bëhet pjesë e ndonjë projekti të ri.
