Një kryeministre nuk i ka lënë aspak angazhimet e saj, ndonëse prej tre muajsh ka sjellë në jetë një vajzë. Prindërimi nuk është lënë pas dore, përkundrazi, ajo e merr të voglën në çdo dalje.
Kryeministrja e Zelandës së Re, do të hyjë në histori pasi u shfaq në Asamblenë e Përgjithshme të Kombeve të Bashkuara me vajzën e vogël në krah.
Një ditë më parë ajo u paraqit në godinën e Kombeve të Bashkuara bashkë me të bijën. Para së të niste fjalimin, ajo luajti me të.
Teksa ajo fliste, partneri i Ardern, Clarke Gayford, mbajti vajzën e tyre në prehër.
Neve Te Aroha erdhi në jetë më 21 qershor. Ardern iu kthye punës si kryeministre në fillim të gushtit, pasi mori gjashtë javë leje lindje.
Kryeministrja e ushqen ende me gji të voglën, që do të thotë se Neve duhej të shkonte në New York me të për gjashtë ditët në vazhdim.
