Policia vijon kontrollet në mënyrë sistematike, ndaj të gjithë drejtuesve të mjeteve, të cilët ndëshkohen për shkak të shpejtësisë apo abuzimit me alkoolin, duke u bërë burim aksidentesh. Në pranga janë venë dy shtetas, pasi drejtonin mjetet në gjendje të dehur. Shtetasit të moshës 49 dhe 50-vjeç drejtonin përkatësisht një autobuz me 30 punëtorë dhe tjetri një mjet furgon, të dy jashtë kushteve teknike.
“I arrestuari i parë drejtonte në gjendje të dehur në masën 0.89 mg/l, një autobus me 30 punëtorë. Automjeti jashtë kushteve teknike.
I arrestuari i dytë drejtonte në gjendje të dehur në masën 0.88 mg/l, një mjet fugon, jashtë kushteve teknike.
Shërbimet e Policisë Rrugore Dibër, në zbatim të planit të masave për parandalimin e aksidente rrugore, si rezultat i kontrolleve të shtuar për këtë qëllim në aksin rrugor Qafë-Bualli- Peshkopi, kanë konstatuar shtetasit E.K, 49 vjeç, banues në Ostren të Madh Bulqizë, duke drejtuar në gjendje të dehur në masën 0.89mg/l, një autobus me 30 punëtor. Ky shtetas drejtonte mjetin jashtë kushteve teknike, dhe pa u pajisur me leje drejtimi.
K.Gj, 50-vjeç, banues në Tiranë, duke drejtuar automjetin furgon në gjendje të dehur në masën 0.88 mg/l. Ky shtetas drejtonte mjetin jashtë kushteve teknike.
Materialet hetimore do ti referohen Prokurorisë Dibër, për veprën penale; “Shkelje e rregullave të qarkullimit rrugor”.
