Një modele është hedhur nga kati i 6 i dhomës së një ndërtese ku shefi i saj u përpoq ta përdhunonte. Ekaterina Stetsyuk, 23 vjeç nga Rusia tregoi se shefi, 39-vjeç e kërcënoi me thikë. Ngjarja ndodhi në Dubai ku biznesmeni pakistanez drejtonte një kompani modelimi. Modelja tha se shkoi në Dubai, pasi agjencia e modelimit i kishte bërë asaj një ofertë për të fluturuar në Dubai, që askush nuk mund t’i rezistonte’. Biznesmeni e kishte ftuar Ekaterinan në një kompleks hotelesh-apartamentesh gjatë orarit të punës.
“Ai filloi të më ngacmonte seksualisht, më preku gjunjët. Nuk doja kështu që i hoqa dorën. Ai u zemërua dhe madje u çmend. Kuptova se duhet të largohesha shpejt. Shkova në korridor por ai më kapi nga flokët dhe më tërhoqi në dhomë. Mori një thikë dhe më përplasi pas murit, duke më mbajtur në qafë dhe duke filluar të më mbyste”, tregoi Ekaterina duke shtuar se shefi i kishte kërkuar të zhvishej.
“Isha kaq e frikësuar, nuk kisha aq shumë frikë se mund të më përdhunonte, më e frikshme në atë moment ishte se ai do të më vriste”, tha modelja në intervistën e parë televizive për përvojën e saj të hidhur.
Ekaterina bëri rezistencë duke ja marrë thikën nga dora shefit dhe më pas midis frikës së madhe u hodh nga kati i 6. Modelja arriti të shpëtojë pasi u prit nga një tendë.
Ajo nuk mban mend shumë për momentin kur u hodh por tha: “Pasi rashë atje ishte një turmë që qëndronte dhe vetëm më shikonin të shtrirë në tendë. Ekaterina pësoi disa plagë dhe kishte nevojë për dy operacione dhe një pllakë titani në shpinë për të siguruar që ajo do të ishte në gjendje të ecë përsëri.
Menjëherë pas operacionit e dërguan në paraburgim. Policia e arrestoi Ekaterinën edhe pse ajo mezi lëviste. “Ata më morën nga shtrati i spitalit. Në atë kohë unë mund të lëvizja vetëm gishtat dhe qafën. Më vunë në karrocë, më hoqën telefonin dhe më çuan në burg. Unë u fajësova se e sulmova me thikë, që e plagosa. Vetëm unë u fajësova. Ky është vend mysliman dhe ligji është në anën e burrave”, u shpreh modelja, transmeton Xing.al.
Ekaterina tregoi se ajo mbijetoi vetëm pasi një tjetër e burgosur ruse në qelinë e saj e lau dhe e ndihmoi të shkonte në tualet. “Për një kohë mjaft të gjatë, nuk mund të lëvizja, nuk mund të ecja,” tha ajo. U deshën tre muaj para se modelja të lejohej të kthehej në shtëpi.
“Unë u deportova përsëri në Rusi, por ai nuk u dënua aspak,” tha ajo.
Biznesmeni që modelja e akuzoi për sulm ndaj saj u deportua në Pakistan. Duke folur për herë të parë pas kthimit në atdhe, Ekaterina u shpreh se kishte bërë gabim që e kishte pranuar ofertën e punës.
“Dubai ka një pamje e bukur. Natyrisht, e gjithë kjo tërheq vajzat. Tani e kuptoj se isha shumë budallaqe. Dhe nuk dua të justifikoj veten. Unë mendoj se kam qenë shumë me fat, mund të kisha përfunduar shumë më keq”, u shpreh modelja./Xing.al
