Një i ri kërcënonte në mënyrë sistematike të dashurën e tij, se nëse e gjente që të komunikonte me të panjohur, do ta gjente belaja. Historia e tyre katër javore ka përfunduar me burgosjen e 24-vjeçarit, i cili i ndalonte të dashurës së tij që të postonte foto në Snapchat.
Matthew Bailey, 24-vjeç, është dënuar me heqje lirie për abuzim psikologjik, në një marrëdhënie që zgjati më pak se një muaj.
I riu e ndalonte të dashurën e tij Molly Cunliffe, 19-vjeçe, të postonte foto të sajat në Snapchat, të shkëmbente mesazhe në Facebook dhe Instagram me burra të tjerë.
Po kështu ajo nuk mund të vendoste emoji me puthje në fund të postimeve në rrjetet sociale. Pas kësaj përndjekje në mënyrë të vazhdueshme, në një telefonatë, Bailey e kërcënoi: “Do të të hyj me makinë nga dritarja, dhe do të të ther. Ti e di ç’të bëj”.
19-vjeçarja tentoi t’i jepte fund marrëdhënies, por Bailey e kërcënonte se do t’i vriste familjen.
Gjykata e dënoi Bailey-n me gjashtë muaj heqje lirie, pasi u shpall fajtor për sjellje kontrolluese dhe nxitëse në një lidhje intime. Gjithashtu, atij nuk i lejohet të kontaktojë 19-vjeçaren për pesë vitet në vazhdim.
