Kryeministri libanez Saad Hariri, i cili është baba i tre fëmijëve, i ka dhënë më shumë se 16 milionë dollarë të dashurës së tij modele, Candice van der Merwe.
Ai u takua disa vite më parë me 26-vjeçaren në Seychelles, në një vendpushim luksoz, kur ajo ishte 19 vjeç. Pas disa takimeve, 49 vjeçari, i kaloi asaj 15.3 mln dollarë, dhe më vonë, edhe një milion të tjera.
Këto para kanë kaluar kur ai nuk ishte kryeministër. Nga hetimet rezulton gjithashtu që paratë të mos jenë përfituar nga buxheti i shtetit, pasi ai i ka trashëguar ato nga babai i tij, Rafic Hariri, që u vra në vitin 2005. Saad Hariri raportohet të ketë një pasuri prej 1.5 miliard dollarë.
Por historia nuk përfundon këtu, pasi modeles i është dashur të kalojë mjaft peripeci për të marrë këtë shumë të majme.
Candice van der Merwe ka hedhur në gjyq autoritetet e Afrikës së Jugut, vend nga ajo është, pasi gjatë hetimeve kanë bllokuar paratë e marra nga Hariri, duke pretenduar se i kanë hequr të drejtën të bëjë biznes dhe të fitojë nga të ardhurat e saj.
