Në fushën e lojës nuk është në lartësinë e duhur për të shënuar gola, pasi regjistron vetëm një gol në 913 ditë. Por sulmuesi i Stoke City, Saido Brahino jashtë saj ka bërë një tregolësh, ku ka tërhequr vëmendjen e të gjitha mediave.
Futbollisti është bërë baba i tre fëmijëve, me tre nëna të ndryshme në më pak se dy muaj. 25-vjeçari fillimisht është regjistruar si baba i një djali të ardhur në jetë më 30 maj të 2017 nga ish e fejuara e tij, Stephania Christoforou.
Më 15 korrik të 2017 në spitalin Manor, Wallsall, një infermiere afrikane e moshës 28-vjeçare ka sjellë në jetë një tjetër fëmijë të futbollistit. Për arsye ligjore fëmija nuk është regjistruar në emër të Brahino, por avokatët e tij po merren me këtë çështje.
Dy ditë pas fëmijës së dytë ka ardhur në jetë edhe një i tretë, por sërish me një tjetër mama. Këtë herë ishte modelja amerikane Chelsea Levalance që solli në jetë vajzën Aniya Marie, më 17 korrik.
