Dëmtimi i Neymar në sfidën përballë Marseille rezultoi të jetë më serioz nga çfarë u fol në media. Ylli brazilian u detyrua të lerë Parisin mëngjesin e së premtes për të udhëtuar në vendlindje, ku do t’i nënshtrohet një operacioni në këmbën e djathtë, por duket se polemikat e kanë shoqëruar sërish.
Nga spitali i qytetit të Belo Horizontes, në Brazil, ku Neymar do t’i nënshtrohet operacionit, sulmuesi ka postuar një foto, që është pasuar me një lumë kritikash.
Në foto shfaqet ylli brazilian në karrocën me rrota dhe e dashura e tij në prehër, ndërsa mediat franceze kanë kritikuar gjatë zgjedhjen e Neymarit për t’u rikuperuar në Brazil.
Neymar do të operohet nga mjeku i Kombëtares Braziliane dhe pritet të rikthehet vetëm në prag të kampionatit botëror ‘Rusi 2018’.
