Një 6-vjeçar shqiptar i cili kishte rënë nga ballkoni i katit të parë të shtëpisë së tij është më mirë dhe është jashtë rrezikut për jetën. Ngjarja ka ndodhur të shtunën pas dite, në lagjen “Casina”, Biancavilla, Itali. E ndërsa ai ishte duke lozur biçikletë në ballkonin e shtëpisë, në një moment ai kishte humbur ekuilibrin dhe ka rënë nga rreth 5 metra lartësi.
Kanë qenë disa fqinj që kanë parë fëmijën pa ndjenja në tokë dhe kanë lajmëruar nënë e tij e cila ishte brenda në shtëpi dhe nuk kishte dëgjuar asgjë. Menjëherë kishin telefonuar policinë dhe kjo e fundit mjekët, të cilët i kishin ardhur në ndihmë vogëlushit. Ata e kishin futur me shpejtësi në një ambulancë dhe e kishin dërguar në spital. Nga kontrolli mjekësor rezulton se Jurgeni i vogël ka thyer krahun e tij të djathtë dhe ka lënduar pak mëlçinë, por që gjendja e tij shëndetësore nuk është serioze.
