Forma e dobët që po kalon Mohamed Salah këtë sezon duket se ka një justifikim dhe kjo lidhet me finalen e Champions League. Ajo ndërhyrje që egjiptiani pësoi nga Sergio Ramos duket se ka lënë plagë të rënda në shpatullën e tij, të cilat i vuan edhe sot.
Në përballjen me Liverpool, në momentin që Salah është zëvendësuar ka hequr bluzën dhe vihet re qartë shpatulla e tij e majtë e fashuar. Edhe pse kanë kaluar 5 muaj nga ai dëmtim, duket se pasojat janë akoma të rënda për sulmuesin e “The Reds.
Salah ka bërë 10 paraqitje këtë sezon, duke shënuar tre gola. Forma e tij nuk ka qenë ajo e sezonit të kaluar dhe padyshim që ka ndikuar shpatulla e lënduar. Pas humbjes me Napolin, Liverpool nuk ka kohë të mërzitet pasi e pret sfida me Manchester City-n në Anfield në fundjavë.
