Ish-ministri i Brendshëm Saimir Tahiri ka fituar së fundmi një betejë me drejtësinë, teksa rimori pasaportën të bllokuar më parë nga Gjykata e Krimeve të Rënda.
Para pak ditësh, ai zgjodhi të mos marrë pjesë në mbrëmjen e deputetëve socialistë, të cilët u bashkuan në kuadër të festave të fundvitit.
Por, duket se pas marrjes së pasaportës, deputeti ka një arsye më shumë për të festuar. Prandaj, ai i është bashkuar grupit të kryetarëve të FRESSH në një darkë, ku duket mjaft i qeshur.
Pranë Tahirit qëndron ulur Artur Micko, kryetar i FRESSH në kryeqytet.
Kujtojmë se Tahiri është larguar nga funksionet e tij në Partinë Socialiste, pas përfshirjes së emrit të tij në dosjen Habilaj.
