Punimet vazhdojnë me ritme të larta tek “Arena Kombëtare”, shtëpia e re e kuqezinjve ka marrë formë, por duket se në brendësi do të jetë edhe monument kulture.
Prej ditësh ka nisur puna për montimin e pjesës së shkallares që përmban edhe vlerën dhe epitetin e monumentit të kulturës, të cilat janë ruajtur nga impianti i vjetër i futbollit, “Qemal Stafa”.
Në javët në vijim, do të nisë edhe puna për pastrimit e mesit të stadiumit, për t’u hapur udhë edhe punimeve për ndërtimin e tapetit të fushës dhe më tej elementeve të tjera që i shërbejnë stadiumit.
