Përpara disa ditësh në Londër, FIFA ka dhënë çmimin “The Best” për Luka Modric. Kroati ka arritur që më në fund të rrezojë perandorinë e Lionel Messit dhe Cristiano Ronaldo që as nuk morën pjesë në ceremoninë e skuadrës ideale të sezonit. Por e përditshmja spanjolle Marca ka stiluar një formacion të kundërt me atë më të mirin në botë: formacionin më të keq të 2018-ës.
Shumë janë surprizat në këtë formacion të vënë bashkë nga Marca. Shumë nga këto lojtarë kanë ndërruar skuadër këtë verë në kërkim të një rikonfirmimi pas një sezoni për tu harruar. Ja formacioni më i keq i sezonit nga Marca:
Kalechi Ihenacho. Për ta pasur në skuadrën e saj Leicester pagoi 25 milionë euro por sezoni i tij i parë me ta ka qenë një dështim. Vetëm tre gola si sulmues qendre.
Ganso. I ardhur ne 2016 tek Sevilla, braziliani u konsiderua në Brazil si një super talent por asnjëherë nuk tregoi në fushë aftësitë e tij. Pas dy sezonesh të dështuara është huazuar tek Amiens.
Tiemoue Bakayoko. I paguar 40 milionë euro nga Chelsea, mesfushori francez dështoi në Angli. Pas eksperiencës negative është transferuar në Itali tek Milani në huazim te thjeshtë.
Wesley Sneijder. I ardhur me shumë entuziazëm në Francë, Sneijder me bluzën e Nice luajti vetëm 8 ndeshje përpara se të transferohej tek Al-Gharafa në Qatar.
Trajner: Jorge Sampaoli. Trajneri më i dështuar nga të gjithë duke mundur rivalët si Vincenzo Montella dhe Frank De Boer. Trajneri që drejtoi Argjentinën është votuar si më i keqi nga të gjithë.
Loris Karius, luante tek Liverpool por ka kaluar tek Besiktas këtë sezon.
Leonardo Bonucci: Torino-Milano dhe Milano-Torino. Kjo është rruga e bërë nga Leonardo Bonucci që për një sezon veshi fanellën e Milanit. Eksperienca e tij zgjati vetëm një sezon dhe ishte totalisht për tu harruar. U kthye përsëri tek Juventusi.
Mesut Ozil. Një nga sezonet më të shëmtuara të tij tek Arsenali ku ka qenë një ndër më të dobëtit. I avashtë dhe i përgjumur.
Alexis Sanchez. I kërkuar për shumë kohë nga Mourinho, kiliani ka dështuar totalisht në Manchester. I ardhur në janar të 2018-ës është një çështje tek United.
Benedikt Howedes. Numri 3 është numri perfekt, por jo në këtë rast. Kjo sepse 3 janë prezencat e tij me Juventusin. Në verë u rikthye tek Schalke e cila e shiti përfundimisht tek Lokomotiva e Moskës.
Victor Lindelof. I kërkuar me forcë nga Mourinho, mbrojtësi suedez ka dështuar në Manchester. Vitin e kaluar e kërkonte edhe Interi por le të themi se zikalterit shpëtuan nga një blerje e “dështuar.”
Luciano Vietto. I blerë nga Atletico Madrid në 2015iën, pas disa huazimesh u rikthye tek Atletico. Por më pas largohet në huazim përsëri. Vitin e fundit e kaloi tek Fulham. Ajo e Vietto është një histori huazimesh më shumë se sa golash.
