Pak pas ndërrimit të viteve, një biznesmen është përballur me një surprizë të pakëndshme, teksa kthehej në banesën e tij.
Ngjarja ka ndodhur në lagjen “Sporti” në Gramsh, ku biznesmeni, emri i të cilit nuk bëhet i ditur, ka pikasur hajdutët brenda shtëpisë së tij në katin e dytë të një pallati.
Teksa hajdutët janë larguar, biznesmeni u është vënë nga pas dhe i ka ndjekur me mjetin e tij.
Në dalje të qytetit, makina e grabitësve që shihni edhe në fotot e siguruara për “BalkanËeb”, është përplasur me bordurën anësore të rrugës.
Kjo e ka ndihmuar biznesmenin të kapë njërin prej hajdutëve, ndërsa tre të tjerë mundën të largohen.
Policia e qytetit të Gramshit po heton për rastin në fjalë, ndërsa ende nuk dihet shuma e grabitur në banesën e biznesmenit.
