Gianni De Biasi u largua nga drejtimi i Kombëtares Shqiptare, pasi dha dorëheqjen pas fitores në Izrael.
Sigurisht, gjatë drejtimit të kuqezinjve, De Biasi u pajis me pasaportë shqiptare duke përfituar edhe të drejtën e votimit.
Një të drejtë që sot ish-trajneri italian e ka shfrytëzuar teksa është shfaqur në qendrën e votimit për të votuar, gjë që nuk u ka shpëtuar as kamerave.
“Kam disa vite që jetoj në Shqipëri dhe e njoh shumë mirë këtë vend. Nëse nuk do më përfshinin në lista do isha i mërzitur. Isha i qartë për votimin pasi procedura është e thjeshtë.
Do të vazhdoj të ndjek zhvillimet e fundit nga vendi që kam kaluar emocione të mëdha. Do të votoj edhe herë të tjera…”, u shpreh shkurtimisht ai.
