Këngëtarja Eni Koçi dhe Genc Prelvukaj po shijojnë pushimet e tyre në Tajlandë, gjë që e kanë treguar duke postuar foto të shumta në Instagram.
Por, një foto e tyre duket se ka shkaktuar indinjatë tek ndjekësit. Bëhet fjalë për një imazh të postuar, ku çifti shfaqet mbi një elefant duke shijuar natyrën.
Kjo është ‘dënuar’ nga fansat, të cilët kanë dalë në mbrojtje të të drejtave të kafshëve atje.
“Mizori ndaj kafshëve. Elefantët duhet të jenë të lirë dhe nuk duhet t’ju bëjnë juve xhiro anembanë”, i shkruan njëra nga fanset, së cilës Genci ka vendosur t’i përgjigjet personalisht në një Insta Story.
“Me mijëra shqiptarë në gjendje të rëndë ekonomike, me qindra persona të zhdukur, me qindra gra të dhunuara, me mijëra të sëmurë, me mijëra raste të dhunës në familje, me probleme të ndotjes së ajrit,e të tjera e të tjera, shqiptarët merren me mbrojtjen e të drejtave të elefantëve në Azi. More e keni seriozisht ju?”, shkruan Genci.
