Londër (CNN) “Upskirting” – praktika e filmimit nën rrobat e dikujt, pa lejen e tyre – është në udhë e sipër për tu konsideruar si krim në Angli dhe Uells. Kjo pasi Shtëpia e Lordëve miratoi legjislacionin që parashikon deri në dy vite në burg për shkelësit.
Legjislacioni i ri u miratua nga dhoma e sipërme e Parlamentit të martën (15 janar 2018) dhe tani është duke pritur një miratim formal nga kancelaria e Mbretërisë.
Fushata e iniciuar dhe e njohur me emrin e Gina Martin, e cila nisi online, qysh në vitin 2017, për të tentuar ndëshkimin ligjor të fenomenit, tha në një deklaratë të postuar në TWitter se u gëzua tej mase kur mësoi se ligji kishte kaluar.
“Pasi u bëra viktimë dhe mësova hendekun ligjor, unë u lidha me Ryan Whelan, të zyrës avokatore “Gibson Dunn” dhe nisa 18 muaj pune të lodhshme, por emocionuese”, shkruan ajo.
“Unë gjithmonë mendoja se politika ishte e padepërtueshme, por me ndihmën e duhur dhe vullnet ju mund t’ia dilni!”
Sipas legjislacionit të ri, autorët e krimit do të përballen me burgim deri në dy vjet, ndërsa emrat e autorëve të rasteve më të rënda do të shkruhen në “regjistrin e ofenduesve të seksit”.
TIRANA TODAY
