Ministri i Turizmit dhe Mjedisit, Blendi Klosi është detyruar që të fshijë një postim në Facebook, ku njoftonte se ishte shpëtuar një gjel i egër në Parkun Kombëtar të Tomorrit. Algen Nikolla, ish-banori i “Big Brother”, ka qenë ai që ka nxjerrë zbuluar Klosin, pasi fotoja që kishte përdorur në këtë postim ishte realizuar në Siberi.
Nikolla ka publikuar një fotografi të një faqen online ruse, ku duket që është e njëjta foto me atë të postuar në statusin e Ministrit të Turizmit dhe Mjedisit, Blendi Klosi. Mbase në Parkun Kombëtar të Tomorrit është shpëtuar vërtetë gjeli i egër, por Klosi ka përdorur një foto ilustruese dhe menjëherë sapo janë zbuluar të dhënat e fotos postimi është ‘zhdukur’.
“Fotoja te Blendi Klosi që shpëtoi Gjelin e Egër. Fotoja e Wild Siberia e sitit rus. Fotoja ka dalë në 2016 në Kamçatka. Të njëjtët i paska kap Blendi në Park të Tomorit. Ngelët tu na kopju rusët…”, ironizon ish-banori i Big Brother.
Më herët në statusin e publikuar nga ministri Klosi, postim i cili nuk gjendet më në faqen e tij të Facebook, thuhej se kjo specia e rrallë e faunës u shpëtua fale moratoriumit të gjuetisë.
“Pasi rrezikoi zhdukjen, një nga speciet e rralla të faunës së egër, është vrojtuar sërish nga ekspertët në Parkun Kombëtar të Tomorit. Gjeli i egër, i shtuar së fundmi falë qetësisë nga moratoriumi i gjuetisë, është tashmë pjesë e një projekti europian, të zbatuar nga zonat e mbrojtura”, thekson Klosi.
Statusi i fshirë i Blendi Klosit
Pasi rrezikoi zhdukjen, një nga speciet e rralla të faunës së egër, është vrojtuar sërish nga ekspertët në Parkun Kombëtar të Tomorit. Gjeli i egër, i shtuar së fundmi falë qetësisë nga moratoriumi i gjuetisë, është tashmë pjesë e një projekti europian, të zbatuar nga zonat e mbrojtura.
Me një program dy vjeçar në fshatrat, Tomor, Dardhë dhe Kapinov të Beratit, zonë e njohur ndryshe si “shtëpia” natyrore e kësaj specieje që për shkak të rrezikut është përfshirë në listën e kuqe.
20 ha do të pyllëzohen me një vlerë 20 mijë euro, për të përmirësuar habitatin në favor të shtimit të këtij kësaj specieje. Do të riaktivizohet një rrugë e vjetër që të çon në mes të pyllit dhe do të ngrihet një strukturë e thjeshtë druri për të vrojtuar këtë shpend e peizazhin përreth.
Përveç një mjedisi më të mirë, banorët do të kenë mundësi të ofrojnë shërbime guide, akomodim dhe ushqimet karakteristike bio, për të gjithë të apasionuarit e kundrimit të zogjve dhe të ngjitjes në Malin e Tomorit.”
Statuset e fundit të Klosit në Facebook:
