Chelsea dhe Barcelona barazuan me rezultat 1-1 në ndeshjen e parë eliminuese të Champions League në “Stamford Bridge”. Golin për klubin katalunas e shënoi Lionel Messi pas asistimit të Andres Iniesta.
Festa e golit në mes të dy lojtarëve menjëherë u bë hit në rrjetet sociale. Tifozë nga e gjithë bota shprehen kreativitetin e tyre me montazhe nga më të ndryshmet.
Argjentinasi festoi fuqishëm pasi ky gol ishte i parë ndaj Chelseat në 730 minuta lojë nga klubit anglez. Golin për Blutë e shënoi Willian, por ai nuk ishte në planet e tifozëve për montazhe. Ndeshja e kthimit luhet në Camp Nou më 14 mars.
