Patris Evra nuk ia rezistuar tundimit për t’u tallur me Leonardo Bonuçin, i cili është kthyer përsëri protagonist me Juventusin dhe po bëhet gati të luajë disa sezone me objektivin kryesor fitoren e Ligës së Kampioneve.
Paulo Dibala kishte hedhur sot në Instagram një foto ku tregonte se skuadra ishte gati për ndeshjen e Ligës së Kampioneve ndaj Valencias. Në foto shfaqej përkrah Bonuçit të qeshur dhe Evra, nuk i rezistoi tundimit për të bërë një nga batutat e tij të famshme.
“Tani iu kthye buzëqeshja Bonuçit, pasi Champions nuk kishte shanse ta luante andej”, shkruante mbrojtësi francez me të kaluar në radhët e bardhezinjve. Sigurisht, “andej” i referohej Milanit dhe aventurës së shkurtër e aspak të suksesshme të mbrojtësit në radhët e skuadrës kuqezi në sezonin e kaluar.
