Vendimi për mbylljen e pikave të basteve, prej dy javësh ka qenë temë debati. Por, gazetari Arjan Çani i ka dhurua Ramës, sonte në emision dy zare me të cilët lozet në kazino. Rama nuk reagoi ndaj kësaj dhurate, pro i mori ato. Ajo që ra në sy ishte fakti se dy zaret ishin ngjyrë violetë, si ngjyrat e rilindjes.
Nga 1 janari nuk do të shikoni asnjë pikë bastesh në territorin e Shqipërisë. Qeveria vendosi t’u rezervojë basteve sportive një trajtim edhe më të rreptë sesa kazinove.
“Në territorin e Republikës së Shqipërisë, nga 1 janari nuk do të ngrihet më asnjë qepenë për baste dhe, ashtu siç është përcaktuar në ligjin ekzistues, nuk do të ngrihet më asnjë qepen për kazino elektronike në asnjë zonë të banuar”, deklaronte Rama më parë.
Kryeministri Edi Rama ka paralajmëruar të gjithë portalet që ende reklamojnë biznese bastesh. Ai u kërkon që t’i heqin sa më parë, pasi ndërkohë po punohet për mbylljen e tyre.
“Bastet e kazinotë elektronike do të dalin jashtë ligjit në 31 dhjetor. Ama çdo reklamim i tyre në çdo lloj media, është i jashtëligjshëm”, shkroi Rama në Twitter.
“Portalet që kanë ende reklama të tilla t’i heqin vetë se ndërkohë po punohet për mbylljen e tyre! Mos kemi llafe për lirinë e shtypit pastaj”, tha kreu i qeverisë.
