Kreu i Partisë Demokratike, Lulzim Basha ka mbërritur në selinë blu pak minuta pas orës 10:00. Ai ka qenë i shoqëruar nga bashkëshortja e tij Aurela, ndërsa është takuar me dhjetëra simpatizantë të rinj që ndodheshin në oborrin e selisë së partisë.
Basha ka përshëndetur qytetarët me dy gishta lart dhe më pas personalisht nga afër. Kreu i PD-së Lulzim Basha deklaroi dje se do të jetë në protestë bashkë me familjen e tij, duke u shprehur se protesta do të jetë paqësore.
