Zbulohet arsenal municionesh në qytetin e Pukës. Ministria e Mbrojtjes ka dërguar një ekip EOD (explosive ordnance disposal) të Forcave të Armatosura në Bashkinë e Pukës, ku u gjet një ditë më parë një predhë 120 mm nga punonjësit e gjelbërimit.
Sot, gjatë kërkimeve të xhenierëve të Forcave të Armatosura u zbuluan 40 granata dore difensive, 6 granata dore ofensive si dhe një granatë dore me bisht.
Nga verifikimet paraprake, dyshohet që këto municione të kenë dalë nga depot e FA dhe të jenë hedhur në zonë gjatë trazirave të vitit 1997, duke u shndërruar në një rrezik serioz për jetën e banorëve.
