Zbardhen detaje të reja lidhur me vrasjen e avokatit grek Mihalis Zafiropoulos nga shqiptari në Athinë.
Sipas medieve greke, shqiptari që kreu krimin për 3 mijë euro, rezulton me disa emra dhe mbiemra. Konkretisht, mbiemri i tij jepet si Ibrahimi, pastaj Brahimaj apo Brahimasi, kurse emri Kastriot, Lavdërim dhe Mikel.
Ndërkohë, viti i lindjes së shqiptarit nuk është i qartë, pasi në komunikatën e policisë jepen tre vite të mundshme të ditëlindjes së të arrestuarit, konkretisht 1985, 1989, 1991.
Avokati u vra një muaj më parë afër zyrës së tij në Athinë, ndërsa mediet greke shkruajnë se shqiptari ai është paguar me 3 mijë euro për vrasjen e avokatit.
