Njëbrirëshi siberian
Njëbrirëshi siberian, i cili besohet të ketë vdekur rreth 350.000 vjet më parë, supozohet të ketë qenë ende gjallë deri në 29.000 vjet më pare. Këtë thotë rezultati analizës së një kafke të ruajtur mirë që u gjet në rajonin Pavlodar të Kazakistanit.
Fansat e njëbrirëshit do të zhgënjehen kur të mësojnë se krijesa e zhdukur – e njohur edhe si “Elasmotherium sibiricum” – kishte më shumë të përbashkëta me rinocerontin ose me mamuthët leshator, sesa me njëbrirëshin imagjinar. Përllogaritjet shkencore thonë se ata kanë qenë gjigantë, deri në 2 metër të lartë dhe 4.5 metër të gjatë. Njëbrirëshi peshonte rreth katër tonë dhe ishte i pajisur me një bri të madh në mes të ballit.
Hulumtuesit në Universitetin Shtetëror të Tomsk-it arritën të poziciononin moshën e bishës së mbuluar me qime rreth 29.000 vjet më parë, falë teknikës së radiokarbonit. Ata besojnë se mostra e zbuluar në Kazakistan ishte një mashkull, por ende nuk e kanë përcaktuar shkakun e vdekjes së tij.
“Ka shumë të ngjarë që jugu i Siberisë Perëndimore të ishte vendi i strehimit, ku ky rinoceront u ruajt më gjatë në krahasim me pjesën tjetër të sojit të tij. Por ka edhe një mundësi tjetër, që ai mund të ketë migruar dhe të ketë banuar, për një kohë, edhe në zonat më jugore”, tha Andrey Shpanski, një nga kërkuesit, cituar nga “Science Alert”.
Mamuthët
Ljuba, 42.000 vjeç, mamuthi leshator më i mirëruajtur në botë, u gjet pranë lumit Yuribey në malet Ural të Rusisë në vitin 2007. Qysh nga kjo kohë, ai ka vizituar shumicën e muzeve anembanë botës duke u shndërruar në një nga kuriozitetet më atraktive të gjithë botës.
Luani i shpellave
Akulli i Siberisë ka ndihmuar gjithashtu në ruajtjen e dy luanëve të shpellave, specie tashmë e zhdukur, të cilët u gjetën në Republikën e Sakhas (Rusia siberiane) në vitin 2015. Me emrin shkencor “Panthera spelaea” këta luanë zhurmonin botën gjatë periudhës së Pleistocenit të Mesëm dhe të Vonë, rreth 781,000 deri në 11,700 vite më parë.
Denisovët
Do these #fossils from China finally put a face on the elusive Denisovans?! An exciting possibility! https://t.co/nOr7wlSRI0 #hominins pic.twitter.com/hwKgN31Arm
— Paige Madison (@FossilHistory) March 2, 2017
Denisovët ishin para-njerëzorë të lashtë, të cilët ndryshojnë gjenetikisht nga njeriu i Neandertalit, Kro-Manjoli dhe Homo heidelbergensi. Ata i shpëtuan të ftohtit të hidhur të Siberisë duke u strehuar në shpella. Mbetjet, që u zbuluan në rajonin rus të Altajit, në vitin 2010, besohet se datojnë qysh prej 110,000 vitesh.
“Princsha e Ukok” ose Princesha e tatuazheve
Mbetjet 2.500 vjeçare të një “Princeshe Ukok” siberiane, të ruajtura jashtëzakonisht mirë, u zbuluan në vitin 1993 në rrafshnaltën Ukok në malet Altai. Lëkura e gruas ishte e mbuluar me tatuazhe. Mbetjet e saj ishin varrosur bashkë me trupat e disa kuajve dhe një sasie të vogël kanabisi.
Përktheu dhe përshtati TIRANA TODAY
