Nëse je i pasur, nuk e ke aspak problem që të shpenzosh për të blerë shampanjë, e më tej të lash mjetin tënd të preferuar. Pamjet që janë shpërndarë në rrjet, tregojnë djalin e një milioneri i cili ka filmuar veten duke larë rrotat e Lamborghini-t të tij me shampanjë.
Pamjet, të postuara në TikTok, tregojnë Victor Micula, 25-vjeç, duke hapur tapën e një shishe Moet Chandon dhe duke e derdhur mbi një rrotë makine. Ai më vonë derdh një shishe shampanjë Cristal mbi rrotat e SUV të tij Lamborghini.
Victor, djali i një biznesmeni rumun, u tha ndjekësve të tij në internet se po eksperimentonte me shampanjë të shtrenjtë, për të parë se cila është më mirë të përdoret kur pastroni rrotat e makinës. 25-vjeçari ka jetuar në Zvicër për gjashtë muajt e fundit, ku ai menaxhon seksionet e klubit dhe fitnesit në Zyrih.
