Kryeministri Rama ka humbur sot arsyen, dhe ka përdorur një fjalor rrugaçërie, pas debatit që pati me Berishën. Ajo çfarë u servirur sot për qytetarët, nuk ishte gjë tjetër veçse një shfaqje e shëmtuar, ku nuk munguan sharjet me emra të përvetshëm. Ndryshe nga herët e tjera, ku Rama ka treguar një sportivitet pas akuzave të parashtruara nga ana e opozitës, këtë herë ra në grackën e tyre, duke ndyer fjalorin.
“Po ta përsëris, ti je njeri që je marrë me gratë dhe me mbesat. Ti je njeri që s’ke kanun, dhe s’ke moral. Por ti gruas time i ha ato që nuk thuhen”, tha Rama.
Pas fjalës së tij, reagimi i radhës ka ardhur nga Berisha. “Ti je fundërrinë që u merr shokëve gratë. Ti shet çdo moral mor horr. Ti je njeri që mohon djalin tënd. Ti je fundërrinë njerëzore. Abi Bank është me fond në Moskë”.
