Edhe pse me pushime, studentët kanë zgjedhur që të vijojnë ‘protestën’ e tyre në një formë tjetër. Një grup studentësh janë mbledhur para Kryeministrisë sot, ku kanë krijuar një formë ekspozite me pankarta dhe memet më pikante.
“Kemi vendosur të bëjmë protestë me art. Sot janë 99 meme. Në pamundësi për të hapur një ekspozitë jashtë vendosëm ta hapim këtu para Kryeministrisë. Çdo pankartë është vlerësuar me 20 mijë euro. Çdo para që do të fitohet nga kjo ekspozitë do të shkojë për fondin e shtëpisë së Surrelit sepse ka akoma për t’u ndërtuar”, tha ai me ironi.
