Vjedhjet në mes të ditës nuk janë risi, e ndërsa merremi me Vettingun, harrojmë se kemi gjëra edhe më të vogla, por që na prishin goxha punë. Rasti i vjedhjes së biçikletave është aq i shpeshtë, sa policia edhe nuk e vë ‘ujin në zjarr’.
Olti Curri, përmes faqes së tij zyrtare në Facebook ka bërë publike një tematikë mjaft të ndjeshme, e që na prek të gjithëve pa përjashtim.
Bashkëngjitur fotos ai ka shkruar: “Nuk është problemi tek ne, tek shqiptarët. Jemi bërë kanibalë, sepse 50 vjet na kanë vënë shkelmin në fyt për idiotësira politike, ndërsa 20 vjet të tjera sistemi i drejtësisë ka futur në burg hajdutët e pulave dhe kanë nxjerrë të pafajshëm hajdutët e pronave, pasurive kombëtare, votave, etj.
Edhe gjermanët, suedezët, amerikanët po të jetonin në një shtet pa shtet, një komb pa drejtësi, kështu do silleshin, madje më keq sesa ne…”.
