Me qindra studentë të Universiteteve publike janë mbledhur para Parlamentit, ku po zhvillohet si çdo të enjte seanca plenare. Ata do të protestojnë përpara Kuvendit për plotësimin e 8 kërkesave të tyre.
Në duar ata janë parë të mbajnë Kushtetutës si dhe pankarta me mbishkrime të ndryshme. Në njërën prej pankartave lexohet të shkruhet: “Nëna ma tha s’du nuse që pranon negociata, inshalla më del risku në protestë”.
Ditën e mërkurë studentët protestuan përpara Ministrisë së Arsimit si dhe Kryeministrisë. Një pjesë e mirë e tyre ka qëndruar gjatë gjithë natës përpara Kryeministrisë.
Prej më shumë se një javë studentë nga të gjithë universitetet e vendit kanë nisur protestën e tyre dhe i kanë paraqitur kryeministrit Edi Rama një listë me 8 pika. Edhe pse Rama ka kërkuar pothuajse çdo ditë dialog, studentët nuk kanë pranuar të negociojnë.
Partia Demokratike do të dërgojë në Kuvend vetëm 4 deputetë.
