Rritet bilanci i viktimave nga tajfuni “Hagibis” që goditi Japoninë. Deri më tani, 20 persona kanë humbur jetën, rreth 140 janë lënduar, ndërsa 16 llogariten si të zhdukur.
Autoritetet japoneze njoftuan se viktimat humbën jetën nga rrëshqitjet e dherave, e ndërsa disa të tjerë u bllokuan brenda automjeteve të tyre. Tajfuni ‘Hagibis’, i cili konsiderohet më i fuqishmi në dy dekadat e fundit, shkaktoi përmbytje të shumta dhe rrëshqitje të dherave. Lumenjtë dolën nga shtratet e tyre dhe përmbytën qendrat e banuara.
Operatori i Energjisë Elektrike njofton se 376,000 shtëpi kanë mbetur pa energji elektrike dhe 14,00 pa ujë.
Më së shumti është goditur qyteti Kavasaki. Prej, ku janë evakuuar rreth 910.000 banorë.
Në Tokio rreth 80.000 banorë kanë kaluar natën jashtë shtëpive, nga frika e përmbytjeve dhe rrënimeve. Trafiku i qytetit është dëmtuar, ndërsa rreth 800 fluturime janë anuluar për këtë të diel. Më parë janë anuluar edhe rreth 1600 fluturime të tjetra. Edhe qarkullimi i trenave është ndalur në një pjesë të madhe të qytetit.
