Ministri i Jashtëm i Kosovës, Behgjet Pacolli është përfshirë në një skandal, pas publikimit të një fotoje, ku shihet në një jaht krah serbit Milan Radojçiçit, i akuzuar për shumë vepra penale.
Fotografia është siguruar nga “Insajderi”, e cila shkruan se kjo foto është shkrepur vitin e kaluar në një jaht në Budva që mendohet se është nën pronësinë e Radojçiçit.
Milan Radojçiç nga Prokuroria Speciale në Kosovë dyshohet si i përfshirë në vrasjen e politikanit serb, Oliver Ivanoviç. Ky i fundit u vra para zyrës së tij në veri të Mitrovicës më 11 janarit të vitit 2018.
Po ashtu, Radojçiç konsiderohet në mediat kosovare edhe si kontrolluesi ‘de facto’ i krimit të organizuar në Veri të Kosovës.
Prokuroria e Mitrovicës njofton se Milan Radojiçiç posedon mbi 50 dosje kriminale.
