Nuk zgjati shumë dhe protesta e opozitës ditën e sotme që prej fillimit nisi me tensione. Ku një grup protestuesish çanë kordonin e policisë dhe iu drejtuan hyrjes së Kryeministrisë. Kaq mjaftoi për të vazhduar për 5 orë e njëjta situatë. Protestuesit e nervozuar dhe të irrituar ngjisnin shkallët dhe tentonin të hynin në Kryeministri. Duke thyer xhamat e derës me mjete të forta e deri te çekiçi; si edhe duke ndezur zjarr.
Por, një foto e shkrepur nga REUTERS u kthye në imazhin e ditës. Një nga qytetarët shihet që mban në dorë një hekur teksa është duke e hedhur drejt Kryeministrisë. I vendosur në pozicion luftues, skena ngjan si një pjesë e shkëputur nga filmi 300 Spartanët.
Gjatë protestës së sotme pati 19 të lënduar, mes tyre protestues, policë si dhe gazetarë. Po ashtu, pati disa dëme materiale në ambientet e Kryeministrisë dhe pranë saj.
